140-годдзе з дня нараджэння Янкі Купалы

14 чэрвеня ў бібліятэцы № 19 адбылося мерапрыемства, прысвечанае  140-годдзю з нараджэння класіка беларускай літаратуры Янкі Купалы.

Творчасць Янкі Купалы – летапіс жыцця беларускага народа, адбітак нацыянальнага характару. Яго самабытныя творы адрозніваюцца высокай нотай духоўнасці. Бібліятэкар засяродзіла ўвагу прысутных дзяцей на юбілейнай даце выхаду ў свет першага зборніка Янкі Купалы “Жалейка”. Упершыню ён быў выдадзены ў 1908 годзе.

Дзеці вельмі ўважліва слухалі цікавы аповед пра жыццё і творчасць Янкі Купалы. Некаторыя з іх пранікнёна чыталі вершы паэта, выказвалі сваё разуменне пачутых твораў.

З цікавасцю прысутныя прайшлі пуцявінамі жыцця і творчасці Янкі Купалы. Гучала цудоўная беларуская мова, а таксама быў паказан відэаролік пра сядзібу-музей “Вязынка”.