«На Івана да на Купалу…»: этнаграфічная праграма ў бібліятэцы № 18
Дата и время:06.07.2026 | 11:00 - 12:30
Место проведения:
«На Івана да на Купалу…»: этнаграфічная праграма ў бібліятэцы № 18
Напярэдадні традыцыйнага народнага свята Купалля бібліятэка № 18 (вул. Каліноўскага, 55) запрашае мінчан і гасцей сталіцы прыняць удзел у тэматычнай этнаграфічнай праграме «На Івана да на Купалу…».
Купалле — гэта ўнікальная спадчына беларускага народа, якая спалучае ў сабе паэтычнасць абрадаў, прыгажосць прыроды і старадаўнія паданні аб пошуку чароўнай папараць-кветкі. Наша праграма дапаможа шырокай аўдыторыі бліжэй пазнаёміцца з вытокамі роднай культуры.
У праграме мерапрыемства:
- Этнаграфічны экскурс: падрабязны расповед пра галоўныя сімвалы свята — агонь, ваду і зёлкі, а таксама пра традыцыі пляцення вянкоў і купальскія вогнішчы.
- Гульнявы блок: тэматычныя інтэрактывы, народныя загадкі і віктарыны на веданне беларускага фальклору.
- Кніжная экспазіцыя: выстава навукова-папулярнай і мастацкай літаратуры, прысвечанай міфалогіі, звычаям і побыту нашых продкаў.
Мерапрыемства арыентавана на ўсіх, хто цікавіцца гісторыяй і этнакультурнай спадчынай Беларусі. Уваход свабодны!
Запись на мероприятие
Войдите, чтобы записаться на мероприятие