Турнір знаўцаў роднай мовы

21 лютага адзначаецца Міжнародны дзень роднай мовы. З гэтай нагоды ў бібліятэцы № 19 прайшла інтэлектуальная гульня “Турнір знаўцаў роднай мовы”.

Бібліятэкар прапанаваў ўдзельнікам акунуцца ў чароўны свет роднай мовы. Падчас мерапрыемства каманды расшыфроўвалі беларускія прыказкі, разгадвалі загадкі, перакладалі словы з рускай на беларускую мову, працавалі з зашыфраваннымі фразеалагізмамі, апраналі ляльку ў адзенне, называя прадметы на беларускай мове.

Мерапрыемства садейнічала ўзбагачэнню слоўнікавага запасу вучняў, далучыла іх да таямніц роднай мовы, выклікала цікавасць да яе. Таксама ў бібліятэцы была падрыхтавана выстава “Родная мова – матчына мова, ззяе вясёлкай кожнае слова”.