“Дарогай жыцця Янкі Купалы”

30 мая бібліятэка № 14 імя Ф.Багушэвіча запрасіла вучняў гімназіі № 27 на ўрок пазнання Бацькаўшчыны “Дарогай жыцця Янкі Купалы”. 

Школьнікі даведаліся пра жыццёвы і творчы шлях пісьменніка праз выставу з фондаў літаратурнага музея Янкі Купалы і прэзентацыю, падрыхтаваную супрацоўнікамі бібліятэкі. Дзеці таксама рыхтаваліся да гэтай сустрэчы.  Яны чыталі вершы нашых славутых Песняроў, удзельнічалі ў віктарыне па творчасці паэта.

Гэта мерапрыемства стала заключным у паэтычнай эстафеце “Верш за вершам”, якая на працягу двух месяцаў праходзіла ў бібліятэцы.