Давайце жартаваць!

У нотна-музычнай бібліятэцы з вялікім поспехам адбылася вечарына гумару з народным тэатрам эстрадных мініяцюр “Карусель” Палацу культуры Мінскага трактарнага заводу.

Самадзейныя артысты за многія гады творчай працы у народным тэатры ператварыліся ужо з аматараў у сапраўдных прафесіяналаў, вельмі удала пераапраналіся не толькі знешне, але і унутры сябе ў зусім розных гумарыстычных персанажаў і прымусілі смяяцца ўсю залу без перапынку на працягу ўсяго спектакля.

Гумар нашага паўсядзённага жыцця таленавіта ператварыла у яркія цікавыя скетчы рэжысёр тэатра “Карусель” Надзея Тарасава. Гледачы былі вельмі задаволены гэтым вясёлым спектаклем: безумоўна,  якраз  гумар, смех і добрыя жарты падаўжаюць наша жыццё!