Дзяржаўныя сімвалы-гонар краіны

Кожная сучасная дзяржава мае свае сімвалы, якія выказваюць яе палітычную самастойнасць і незалежнасць, гісторыю станаўлення і развіцця, нацыянальную самабытнасць.

У другую нядзелю траўня святкуюць у Беларусі «Дзень Дзяржаўнага сцяга, Дзяржаўнага герба і Дзяржаўнага гімна Рэспублікі Беларусь».  Напярэдадні свята супрацоўнікі Цэнтральнай бібліятэкі імя Янкі Купалы сустрэліся са школьнікамі першага і другога класаў сярэдняй школы  № 27 горада Мінска. На сустрэчы дзеці падрабязна даведаліся не толькі пра дзяржаўныя сімвалы сваёй краіны, але і пра найбольш значныя падзеі  з яе гісторыі і сучаснасці. Навучэнцы ўдзельнічалі ў інтэрактыўных гульнях і віктарынах. Прыемна было даведацца, што шмат чаго самі дзеці маглі распавесці пра сімвалы роднай краіны.