Гадзіна духоўнай асветы «Евфросиния Полоцкая – родоначальница нашей нации»

11 чэрвеня ў бібліятэцы № 7 імя Якуба Коласа адбылася гадзіна духоўнай асветы «Евфросиния Полоцкая – родоначальница нашей нации». Мерапрыемства, прысвечанае Дню памяці прападобнай Еўфрасінні Полацкай, было арганізавана для навучэнцаў Мінскага дзяржаўнага каледжа тэхнікі і тэхналогій будаўніцтва.

Супрацоўнікі бібліятэкі пазнаёмілі моладзь з жыццёвым шляхам славутай асветніцы і духоўнай заступніцы беларускай зямлі. У ходзе сустрэчы прагучалі знакавыя ўрыўкі з помніка старажытнабеларускай літаратуры — «Жыція Еўфрасінні Полацкай», а таксама творы айчынных паэтаў, прысвечаныя яе асобе.

Вялікую цікавасць у навучэнцаў выклікала тэматычная кніжная выстава, разгорнутая ў чытальнай зале. Экспазіцыя падрабязна адлюстравала гісторыю духоўнага подзвігу асветніцы, яе ўклад у развіццё пісьменства, культуру і праваслаўныя традыцыі Беларусі.

Падобныя асветніцкія сустрэчы дэманструюць глыбокую сувязь пакаленняў, выхоўваюць у сучаснай моладзі павагу да нацыянальнай гістарычнай спадчыны і садзейнічаюць асэнсаванню духоўных вытокаў свайго народа.