Гармония

У нотна-музычнай бібліятэцы працягваецца канцэртны сезон. Народная вакальная студыя Рэспубліканскага Палацу культуры Прафсаюзаў «Гармония»  ( мастацкі кіраўнік – Радчанка Ірына Анатольеўна ) – калектыў, які не мае патрэбу ў рэкламе. Створана студыя ў 1956 годзе. Імя “народная” з’явілася ў 1986 годзе. Кіраўнікамі вакальнай студыі былі знакамітыя майстры мастацтваў Беларусі. Зараз кіраўнік народнай студыі – Радчанка Ірына, прафесійная спявачка. Яна больш 17 гадоў адпрацавала салісткай оперы Нацыянальнага акадэмічнага Вялікага тэатра оперы і балета Рэспублікі Беларусь, дыпламантка рэспубліканскіх вакальных конкурсаў. Канцэртмайстры – Сердобаў М.М. і Лях А.П. Займаюцца ў студыі 16 чалавек. Вакальна-сцэнічным майстэрствам у ёй авалодваюць людзі розных прафесій, якія захоўваюуць творчыя традыцыі гэтага калектыва.  Яго вытворчасць ведаюць і любяць нашы пастаянныя гледачы. У рэпертуары вакальныя творы розных стылей і жанраў, беларуская, руская і замежная класіка, музыка айчынных і замежных кампазітараў, народныя песні , старадаўнія і класічныя рамансы. Канцэрт «О любви и о весне» , які адбыўся 25 сакавіка атрымаўся як заўсёды цудоўным.

Удзельнікі студыі сольна і дуэтам выканалі папулярныя песні мінулых гадоў, рамансы і арыі з опер і аперэт. На «біс» былі сустрэты «Песенка герцога», «Ария мистера Икс», «Разговор со счастьем» і «Чертово колесо», Апошнюю песню «Мы желаем счастья вам» удзельнікі канцэрту выканалі разам з гледачамі.

Выходзілі з нашай бібліятэкі і спевакі і гледачы ў вельмі добрым, узнёслым настроі з надзеяй на новае спатканне.