Грамніцы

15 лютага паводле беларускага народнага календара адзначаецца свята Грамніцы. Грамніцы лічыліся днём першай сустрэчы зімы з летам, і з яго ўжо пачыналі рыхтавацца да вясны. У гэты дзень асвячалі васковыя свечкі і  ваду, якая паводле ступені значнасці была на адным ўзроўні з той, якую бралі на Вадохрышча. Супрацоўнікі бібліятэкі № 15 ім. Цёткі падрыхтавалі для вучняў 2 класа сярэдняй школы № 13 этнаграфічную гадзіну “Грамніцы”. Дзецям была прапанавана мультымедыйная прэзентацыя, аповед пра паходжанне, адметнасці і сімвалы свята, а таксама віктарына, звязаная з беларускай міфалогіяй.