Кніжныя сцяжынкі лета

Лета толькі пачалося, а для супрацоўнікаў Мінскіх бібліятэк наступіў асабліва адказны і напоўнены творчымі клопатамі час. Яны рыхтуюць цікавыя мерапрыемствы для малодшых школьнікаў – выхаванцаў летніх школьных лагераў. Як заўсёды,  галоўны герой гэтых мерапрыемстваў – кніга.

“Летнее чтение  – золотое приключение” – вандроўкі па  найбольш цікавых дзіцячых кнігах у бібліятэцы № 21. Сярод прысутных былі і вучні малодшых класаў 215 і 207 сярэдніх школ.

Мерапрыемства прайшло ў форме гульні, што асабліва падабаецца дзецям.  На пытанні віктарыны па творах пісьменнікаў – класікаў у вершаванай форме дзеці актыўна адказвалі –  абыякавых у зале не было.