Літаратурна-музычная імпрэза, прысвечаная Дню маці

12 кастрычніка ў бібліятэцы № 1 імя Л.М.Талстога прайшла літаратурна-музычная імпрэза, прысвечаная Дню маці. З аншлагам сустрэлі гледачы  выканаўцу лірычных песень Таццяну Зайцаву. Наведвальнікі вечарыны слухалі і дружна спявалі музычныя хіты 60-х і 70-х гадоў. Шмат разоў гучалі і любімыя песні пра маці і матчыну любоў.

Літаратурную частку імпрэзы прадставіла вядомая пісьменніца і журналістка Вольга Норына. Зусім свежыя вершы, якія прадэкламавала аўтар для публікі, былі таксама прысвечаны беларускай зямлі, сваей малой радзіме і, вядома ж, роднай матулі.

На прыканцы мерапрыемства  ўдзельнікі і глядачы  атрымалі падарункі ад беларускага прадпрыемства “Беліта”.