Мовай гукаў, мовай вобразаў

Сёння наш бібліятэчны ганак ператварыўся ў сапраўдную інтэрактыўную пляцоўку. Мы правялі музычную замалёўку «Мовай гукаў, мовай вобразаў», і гэта было па-сапраўднаму душэўна!

               Надвор’е спрыяла, а настрой у нашых гасцей быў проста выдатны. Жыхары мікрараёна — і дарослыя, і дзеці — з вялікім задавальненнем акунуліся ў свет музыкі. Мы разам адгадвалі складаныя (і не вельмі!) музычныя загадкі, успаміналі любімыя песні і спаборнічалі ў вясёлай віктарыне.

           Але якая ж бібліятэчная сустрэча без кніг? Мы падрыхтавалі для нашых гасцей падборку літаратуры “Музычны калейдаскоп”, якая дапамагае лепш зразумець свет музыкі і мастацтва. Прыемна бачыць, што ўдзельнікі не пайшлі дадому з пустымі рукамі: многія выбралі сабе кнігі па душы.

           Такія сустрэчы на свежым паветры зараджаюць энергіяй і натхняюць на новыя мерапрыемствы.