Шануем дзіва на планеце – святую нашу Беларусь

Сёння ў бібліятэку № 21 завіталі выхаванцы дзіцячага сада № 558. Мы правялі для іх урок патрыятычнага выхавання пад назвай “Шануем дзіва на планеце – святую нашу Беларусь”, які прайшоў у межах нашага любімага праекта “Разам з кнігай мы расцём”.

Гаварыць з дзецьмі пра Радзіму — справа адказная і вельмі прыемная. Мы хацелі паказаць дзецям, што Беларусь — гэта не проста кропка на карце, а наш агульны дом, багаты на прыгажосць, гісторыю і добрых людзей.

 Урок атрымаўся па-сапраўднаму цікавым і насычаным. Разам з хлопчыкамі і дзяўчынкамі мы адправіліся ў невялікае “падарожжа” па старонках кніг. Дзякуючы яркім ілюстрацыям і казачным сюжэтам, малыя пазнаёміліся з сімваламі нашай краіны, даведаліся пра прыгажосць беларускай прыроды і пачулі цудоўныя вершы пра родны край.

Асабліва парадавала тое, з якой цікавасцю дзеці разглядалі кнігі. Яны з захапленнем гарталі старонкі, задавалі пытанні і дзяліліся сваімі ўражаннямі. Мы ўпэўненыя: менавіта праз такія сустрэчы і праз добрую дзіцячую літаратуру ў сэрцах маленькіх беларусаў нараджаецца любоў да сваёй зямлі.

Дзякуй нашым маленькім гасцям за актыўнасць, усмешкі і шчырую цікавасць! Мы заўсёды рады бачыць вас у бібліятэцы.