Шануйце мову нашую!

20 лютага, напярэдадні Дня роднай мовы, у бібліятэцы №13 адбыўся ўрок моўнай культуры “Шануйце мову нашую!” На сустрэчу  прыйшлі студэнты Мінскага філіяла Беларускага гандлёва-эканамічнага ўніверсітэта спажывецкай кааперацыі. Адбылася цікавая размова пра сучасны стан беларускай мовы, яе старажытнае паходжанне і распаўсюджванне дыялектных гаворак на тэрыторыі сучаснай Беларусі. Маладыя людзі паспрабавалі зрабіць калектыўны пераклад верша С.Грахоўскага “Ветразь” і ўпэўніліся  ў самабытнасці і вобразнасці матчынай мовы.