Солдатами спасённая весна

Кожны год у майскія дні мы святкуем дзень Вялікай Перамогі: успамінаем жудасныя гады вайны, ушаноўваем памяць аб загінуўшых, кланяемся жывым. Памяць непадуладна часу.

З гэтай нагоды ў бібліятэцы № 11 адбылося святочнае мерапрыемства “Солдатами спасённая весна”. Члены творчага аб`яднання “Рамантыкі залатой пары” успаміналі сваё дзяцінства, апаленае вайной.

Сям`я Алены Аркадзьеўны Кульбацкай дапамагала партызанам. Аб гэтым ёсць звесткі ў краязнаўчым музеі горада Маладзечна.

Алена Сяргееўна Лоўчая з сям`і рэпрэсіраваных. Нарадзілася ў першыя дні вайны. Двойчы магла быць растралянай немцамі, але анёл-ахоўнік стаяў за яе спіной.

Старэйшы брат Ніны Лукінічны Атрашкевіч у 24 гады стаў Героем Савецкага Саюза. За месяц да заканчэння вайны загінуў у Прыбалтыцы.

Успамінала пасляваенны Мінск і Ірына Мікалаеўна Карпіевіч.

Гучалі вершы аб вайне і Вялікай Перамозе. З асабовай цяплынёй і пачуццём удзячнасці члены аб`яднання спявалі ваенныя песні, песні сваёй маладосці.