Стаю на споведзі прад лёсам

4 лютага ў бібліятэцы №7 імя Якуба Коласа адбылася літаратурна-музычная імпрэза “Стаю на споведзі прад лёсам” з удзелам членаў ГА “Саюз пісьменнікаў Беларусі” Вольгі Сакаловай  і Таісіі Трафімавай, якія адзначалі ў студзені свае юбілеі.

Паэтычную вечарыну адкрыла супрацоўнік Мінскага гарадскога аддзялення Саюза пісьменнікаў Беларусі, паэт Іна Фралова, якая прадставіла ўдзельнікаў паэтычнага вечара.

Усе прысутныя акунуліся ў свет мастацтва слова. Атмасфера была напоўнена цёплымі размовамі , жывым абменам  думкамі і эмоцыямі, а таксама выступленнямі запрошаных  аўтараў, якія чыталі свае творы.

Музычным падарункам стала выступлення ансамбля цымбалістаў школы мастацтваў № 3 імя Фрэдэрыка Шапэна. Вялікаю асалоду слухачам прынеслі  музычныя кампазіцыі – папуры вядомых беларускіх мелодый.

Усе жадаючыя мелі магчымасць атрымаць аўтографы ад аўтараў.