З фатаапаратам па жыцці

Чалавечае жыццё, як адкрытая кніга, якую трэба прачытаць. Кожны з нас піша ў ей свае набыткі і страты, дасягненні. Творчая скарбонка Аляксандра Васільевіча Семяновіча багатая і разнастайная. Ён захапляецца паэзіяй, якую лічаць вясной літаратуры. Многія чытачы ведаюць яго як актыўнага ўдзельніка драматычнага гуртка “Падмосткі”. Кожны яго герой сваеасаблівы па-свойму.  Таксама Аляксандр Васільевіч можа спыніць імгненне, падоўжыць яго жыццё, бо фатаграфія – яшчэ адзін творчы здабытак майстра. На чарговую фатавыставу, якая адкрылася у бібліятэцы № 11, прыйшло шмат глядачоў. Уся выстава пранікнута добрым настроем, любоўю да людзей  і навакольнага асяроддзя. Гучалі добрыя словы ў адрас фотамайстра, пажаданні творчых поспехаў.     

Завершылася мерапрыемства цудоўнай канцэртна-танцевальнай праграмай.