Путь к здоровью

23 верасня ў бібліятэку № 21 завіталі вучні 7-га класа сярэдняй школы № 215. Для іх мы правялі інфармацыйную гадзіну пад назвай «Путь к здоровью».

Галоўнай мэтай сустрэчы было не проста расказаць пра карысць здаровага ладу жыцця, а паказаць падлеткам, што быць здаровым — гэта сучасна, крута і зусім не сумна.

Падчас мерапрыемства мы паразмаўлялі пра тое, з чаго складаецца здароўе чалавека. Абмеркавалі важнасць правільнага харчавання, рэжыму дня і, вядома, актыўнага адпачынку. Школьнікі аказаліся вельмі актыўнымі: яны ахвотна дзяліліся сваімі меркаваннямі, разважалі пра тое, якія звычкі дапамагаюць нам адчуваць сябе бадзёрымі, а якія, наадварот, толькі шкодзяць.

 Асабліва цікава прайшла частка, дзе мы разбуралі папулярныя міфы пра здароўе. Вучні з цікавасцю ўключаліся ў дыскусію, задавалі пытанні і прыводзілі прыклады з уласнага жыцця.

Напрыканцы мерапрыемства мы паказалі гасцям тэматычную падборку кніг і часопісаў, якія ёсць у нашым фондзе. Прыемна было бачыць, што некаторыя з іх зацікавіліся літаратурай пра спорт і псіхалогію.