Майго раёна прыгажось і постаць

Не памылімся, калі скажам,  што далёка не кожны чалавек добра ведае гісторыю той мясціны, у якой жыве, а тым больш той, дзе знаходзіцца яго месца працы. Ды і рэдка калі магчыма атрымаць матывацыю  для паглыблення  вывучэння гісторыі гэтага месца.

 Супрацоўнікам нотна-музычнай бібліятэкі пашчасціла атрымаць і “матывацыю”, і “штуршок“ дзеля  вывучэння раёна, дзе знаходзіцца наша ўстанова. І ўсё дзякуючы таму, што  ў нас адбылося адкрыццё выставы карцін  студэнткі факультэта эстэтычнага выхавання БГПУ ім. М. Танка “Майго раёна прыгажось і постаць” Шчэцька Міланы. Тое, што дзяўчына надзвычай цікавы чалавек і таленавітая мастачка было зразумела з першых хвілін знаёмства з ёй. Амаль дзевяць месяцаў працавала яна над матэрыялам для выставы, а мы з нецярплівасцю чакалі дэбюта мастачкі.  І вось нарэшце 1 чэрвеня! У бібліятэцы, як заўжды мнагалюдна. Павіншаваць Мілану з адкрыццём першай у жыцці выставы  прыйшлі бацькі дзяўчыны, студэнты і выкладчыкі вуза, а таксама першыя настаунікі малявання, якія разгледзілі і выхавалі  гэты несумненны талент. Вельмі цікава было даведацца, што па факту знаходзімся мы ў “межрэччы”, што было тут у даўніну і якую назву меў той ці іншы куточак нашага наваколля, як паступова складалася інфракстуктура гэтага раёна, што планавалася на месцы тых ці іншых прадпрыемстваў, і што адбылося ў выніку.  І расповяд аб гісторыі нашага мікрараёна гучаў на сакавітай,  мелагучнай беларускай мове. А галоўная цэль гэтага праекта – захаваць у памяці сучаснікаў і нашчадкаў тыя будынкі і куточкі наваколля, якія мусяць хутка знікнуць.

Пасля сканчэння афіцыйнай часткі, гасцей запрасілі на кубачак гарбаты.  Усе віншавалі дэбютантку, жадалі ёй далейшых поспехаў.  Было выказана пажаданне далейшага супрацоўніцтва БГПУ ім. Танка і нотна-музычнай бібліятэкі. І адразу ж нарадзілася ідэя двух сумесных праектаў.